simplemind
JF-Expert Member
- Apr 10, 2009
- 16,792
- 9,724
Majenerali waliouawa
Luteni Jenerali Yakov Rezantsev aliripotiwa kuuawa kwa shambulizi la Ukraine kwenye uwanja wa ndege wa Chornobaivka karibu na mji wa Kherson.
Alipandishwa cheo na kuwa Luteni jenerali mwaka jana, na alikuwa kamanda wa jeshi la 49 la wilaya ya kijeshi ya kusini mwa Urusi.
Inasemekana alishiriki katika operesheni ya kijeshi ya Urusi nchini Syria.
Andrei Mordvichev aliuawa na shambulizi kwenye uwanja wa ndege wa Chornobaivka karibu na Kherson, kulingana na maafisa wa Ukraine.
Alikuwa kamanda wa jeshi la 8 la pamoja la Urusi la wilaya ya kijeshi ya kusini.
Kifo chake kiliripotiwa tarehe 18 Machi.
Meja Jenerali Oleg Mityaev aliripotiwa kufariki mahali fulani karibu na jiji la Mariupol, jiji lililo kusini-mashariki mwa Ukraine ambalo limeshuhudia mapigano makali zaidi kufikia sasa.
Kikosi cha kitaifa cha Azov kinadai kumuua.
Alikuwa kamanda wa kitengo cha 150 cha bunduki za magari cha jeshi la Urusi, kitengo kipya kilichoundwa mnamo 2016, na kilichowekwa katika mkoa wa Rostov karibu na mpaka wa Ukraine.
Ukraine inadai kuwa kitengo hicho kiliundwa ili kushiriki katika mzozo katika maeneo yanayodhibitiwa na waasi mashariki mwa Ukraine, ingawa Urusi inakanusha kuwa jeshi lake lilihusika katika mapigano huko.
Meja Jenerali Andrei Kolesnikov, wa jeshi la pamoja la 29, aliuawa katika mapigano tarehe 11 Machi, kulingana na vyanzo rasmi vya Ukraine.
Mazingira ya kifo chake hayakubainishwa.
Baada ya Kolesnikov kuwa jenerali wa tatu wa Urusi kuripotiwa kuuawa nchini Ukraine, afisa mmoja wa nchi za magharibi aliambia chombo cha habari cha PA kwamba jeshi la Urusi linaweza kuwa na ari ya chini, na ndiyo maana maafisa wa ngazi za juu wa kijeshi wanasonga mbele kwenye mstari wa mbele.
Meja Jenerali Vitaly Gerasimov, mkuu wa wafanyakazi wa jeshi la 41 la Urusi, aliuawa tarehe 7 Machi nje ya mji wa mashariki wa Kharkiv, kulingana na wizara ya ulinzi ya Ukraine.
Kharkiv, karibu na mpaka wa Urusi, imekuwa chini ya mashambulizi endelevu kutoka kwa vikosi vya Urusi.
Jeshi la Ukraine lilitoa rekodi ya kile ilichosema maafisa wawili wa usalama wa Urusi wakijadili kifo cha Gerasimov, na kulalamika kwamba mitandao yao salama ya mawasiliano haifanyi kazi tena nchini Ukraine.
Gerasimov alihusika katika vita vya pili vya Chechnya, operesheni ya kijeshi ya Urusi huko Syria, na katika unyakuzi wa Urusi wa Crimea mnamo 2014.
Meja Jenerali Andrey Sukhovetsky, naibu kamanda katika kitengo sawa na Gerasimov, aliripotiwa kuuawa na mdunguaji mnamo tarehe 3 Machi.
Kama Gerasimov, Sukhovetsky alikuwa sehemu ya operesheni za kijeshi za Urusi huko Crimea na Syria.
Tofauti na majenerali wengine, kifo cha Sukhovetsky kiliripotiwa kwenye vyombo vya habari vya Urusi na Rais wa Urusi Vladimir Putin alithibitisha katika hotuba yake kwamba jenerali mmoja alikufa huko Ukraine.