“Mnafahamu mgodi mkubwa sana wa almasi upo Mwadui, Shinyanga tangu enzi za Mwalimu Nyerere, unaitwa Williamson Diamonds? Almasi inayopatikana pale haipatikani popote ulimwenguni. Almasi yake ni rangi ya pinki. Malkia Elizabeth II wa Uingereza alipewa almasi hiyo akaweka kama pambo katika kofia yake.., SSH alipoingia madarakani 2021, Rostam Aziz alinunua 31½% ya mgodi wa Williamson Diamonds kwa gharama ya US$11 milioni (TZS 30 bilioni)” - Balozi Humphrey Polepole.
“Mwaka 2017 wakati Rais ni JPM, tulikamata kafurushi kadogo ka' almasi JNIA. Kafurushi kalikuwa kanamilikiwa na kampuni ya Petra Diamonds ambayo ndiyo inamiliki 31½% nyingine za mgodi wa Williamson Diamonds (wakati ule walikuwa wanamiliki 75% na Serikali 25%. Petra Diamonds akamuuzia Rostam Aziz 31½% na akabaki na 31½ na zinazobaki ni za Serikali. Kafurushi hicho, maafisa wa Serikali waliokula rushwa na kupatikana na hatia na wakafungwa walitathmini na kuweka bei ya chini wastani wa TZS 30 bilioni” - Balozi Humphrey Polepole
“Magufuli alikuwa anafuatilia kila kitu kwa hatua. Akaagiza tathmini irudiwe. Waliporudia kufanya tathmini ikaonekana zile almasi zilikuwa na thamani ya US$29 milioni sawa na TZS Bilioni 66. Kafurushi tu. Mwaka 2020 Mahakama ya Hakimu Mkazi Kisutu ikaamua almasi zile zitaifishwe. Inawezekanaje mgodi mkubwa wenye akiba kubwa ya almasi Duniani wenye urefu wa kuchimba kwa miaka 100 ijayo, 30% ya mgodi ule iwe TZS 30 Bilioni? Wakati kamfuko kamoja kalipokamatwa thamani yake ni TZS 66 Bilioni? Tafakari, chukua hatua, shtuka, tunauzwa, tumepigwa bei” - balozi Humphrey Polepole.