Wanaomba samahani vipi na wao tokea zamani hawamheshimu Yesu si wao ndio walio mtundika msalabani Yesu
Wakristo ni wajinga sana mbele ya wayahudi ndio sababu mpaa taifa lililo tengenezwa na Muingereza wao wanaliita taifa teule sababu ya hao wayahudi.
Kuna watu mnaandika kishabiki sana, huku mkiacha ukweli ama kwa makusudi au kwa kutofahamu. Zingatia yafuatayo kabla hujaweka fikra zako binafsi:
1. Wafuasi wote wa mwanzo, waliomwamini Yesu kuwa ni Kristo, walikuwa wayahudi.
2. Watu wa kwanza kumkana Yesu, kisha kufanya hila za kumshtaki na kutaka wapewe kibali cha kumsulibisha, walikuwa ni wayahudi, wakiongozwa na makuhani wao.
3. Watu waliohuzunika, na kulia walipoona Yesu anasulibiwa msalabani, walikuwa Wayahudi.
4. Watu waliokuwa wa kwanza kushuhudia ishara baada ya Yesu kusulibiwa msalabani, na kisha kutamka wazi kuwa Yesu ni mwana wa Mungu, walikuwa makuhani wa Kiyahudi.
4. Mitume wote wa Yesu, ambao ndio waliueneza Ukristo Duniani, walikuwa Wayahudi.
5. Kanisa kubwa la kwanza la wakristo lilikuwa Jerusalem, na la pili lilikuwa Antiokia ya zamani (Syria), siku hizi Antiokia ipo Uturuki.
6. Waliowaua wakristo wa kwanza walikuwa makuhani wa kiyahudi na watawala wa Rumi.
NB:
1. Huwezi kuutaja ukristo, bila ya kuwataja wayahudi.
2. Huwezi kutaja maadui wa mwanzo wa Yesu Kristo, ukawaacha Wayahudi.
3. Mpaka leo, wapo Wayahudi ambao ni wakristo washika dini ua Kikristo hasa. Lakini wapo Wayahudi, ambao ni wengi zaidi, wanaofuata Judaism, wanakataa kuwa wayahudi walimsulibisha Yesu msalabani, wanasema alisulibiwa na Warumi, na wao hawamtambui Yesu kuwa ni Masiha kwa sababu hakuwatoa Wayahudi kutoka kwenye ukoloni wa Warumi, na hivyo wao bado wanamsubiri masiha.
4. Wapo wayahudi ambao wanauheshimu sana ukristo hata kama wao hawamwamini Yesu kuwa ndiye masiha. Kudhihirisha hilo, kuna wakati ndugu yangu alienda Israel kwa safari za kiofisi. Cha ajabu, bila ya wao kuomba, wakaambiwa kuwa kwa vile waliona majina ya team members yanayoashiria kuwa ni wakristo, hivyo waliwaandalia usafiri na maofisa wa kuwafikisha maeneo yote muhimu ya historia ya ukristo, ikiwa ni pamoja na sehemu ambapo Yesu alifanya muujiza wa kwanza kwa kugeuza maji kuwa divai, mlima ambao Yesu aligeuka sura, eneo alilosulibiwa, n.k.; na walipitishwa hayo maeneo yote bila gharama yoyote, na wakati wakiwapitisha, walionesha kuyaheshimu kama walivyokuwa wakifanya wakristo.
Kwa Wayahudi, kama zilivyo jamii zote, kuna pande zote mbili, waovu na wema. Kuitwa Taifa teule haimaanishi kuwa wote ni wateule au wote ni watakatifu. Ukichukua takwimu za Wayahudi wote Duniani, kuna wayahudi 1.7m wakristo, ambayo ni karibia 10%. Lakini ndani ya Israel wakristo ni 2% tu, tena wengi wao ni waarabu. Lakini kitakwimu, ukristo ndiyo dini inayokua kwa kasi ndani ya Israel kuliko dini nyingine zote. Inatarajiwa mwaka 2050, wakristo ndani ya Israel watafika 17%.
Yote yatokeayo kwa Wayahudi hayashangazi bali yalitabiriwa. Kumbuka maneno haya;
"Akaja kwa walio wake, walio wake hawakumtambua, walio wake hawakumpokea, bali waliompokea, aliwafanya kuwa wana wa Mungu". Hii inamaanisha wapo wayahudi waliompokea, na wapo waliomkataa kwa sababu hawakumtambua.