TUNDU LISSU ANAISHIA HAPA KWA LEO KUMHOJI SHAHIDI WAKE JOHN MNYIKA MAHAKAMANI
Mnyika: Hayo mapendekezo yalikuwa ni mapendekezo sambamba kwamba, kama upatikanaji wa Katiba Mpya ukichelewa, kufanyike marekebisho mahususi tuliyopendekeza ya Kikatiba ya kuwezesha uchaguzi wa huru na haki, tuliyoyaita Minimum Reforms.
Lissu: Baada ya kuwasilisha mapendekezo hayo kwa Rais, kitu gani kilitokea?
Mnyika: Rais akiahidi mchakato wa mazungumzo utaendelea na akaahidi kuunda timu ya watu watano, ikiongozwa na Makamu Mwenyekiti wa CCM, Abdulrahman Kinana, na sisi kwa upande wetu aliyekuwa Mwenyekiti wetu wakati huo, Freeman Mbowe, akaahidi kuunda timu ya watu watano, ikiwemo mimi, na akaiunda.
Lissu: Waeleze Waheshimiwa Majaji, mazungumzo hayo kati ya timu ya CCM ikiongozwa na Makamu Mwenyekiti wao, Abdulrahman Kinana, na huku yakiongozwa na Mbowe, yalidumu muda gani?
Mnyika: Yalidumu kuanzia 31 Juni 2022 mpaka 23 Mei 2023, baada ya CCM kutujibu kwa maandishi kwamba:
1. Mchakato wa Katiba Mpya usubiri mpaka baada ya Uchaguzi Mkuu wa 2025.
2. Marekebisho yoyote yanayohusu Katiba, hata kama marekebisho ni ya maeneo mahususi (Minimum Reforms) ya kuwezesha uchaguzi huru na haki, kama kuwa na Tume Huru ya Uchaguzi na matokeo ya Urais kuhojiwa Mahakamani.
Maamuzi ya Tume kuhojiwa Mahakamani.
Na Tume kuwa na watumishi wake au kuajiri watumishi wake huru, ili mradi yanahusu marekebisho ya Katiba, yasubiri wakati wa kushughulikia mchakato wa Katiba Mpya baada ya 2025.
Lissu: Shahidi, waeleze Majaji.
Ajuaye: Waheshimiwa Majaji, muda siyo rafiki na tumepokea concern kutoka kwa watu wa Usalama. Tunaomba ahirisho.
MAJAJI WANATETA.
Lissu: Waheshimiwa Majaji, nimesikia kuna masuala ya maombi ya kiulinzi ambayo mimi siyajui na Majaji hawatajua.
Tukubali tu, saa 11, muda umeenda.
MAJAJI WANATETA.
Jaji Ndunguru: Shauri linahirishwa hadi Jumatatu asubuhi saa 3 kamili.
Ushahidi utaendelea.
MAJAJI WANATOKA.
TUKUTANE JUMATATU ASUBUHI.