Gekul ametaja sababu mbili za kufanya maamuzi hayo. Ya kwanza ni chama kuwabebesha wabunge mzigo shughuli za ujenzi wa chama. Anasema kwenye chaguzi ndogo zote zilizofanyika Manyara alitoa fedha zake mfukoni kugharamia, na chama kilileta laki tano tu, licha ya kwamba kinapokea ruzuku ya zaidi ya milioni 300 kwa mwezi.
RUZUKU YA CHADEMA HAITOSHI KUKIENDESHA CHAMA.
Na Thadei Ole Mushi.
Pale Chadema wanapata milioni 300 kama Ruzuku ya chama kwa Mwezi. Huyu mbunge kasema amehama kwa kuwa alitoa fedha yake mfukoni kwa ajili ya kuendesha chaguzi kwenye mkoa wa Manyara na anadai kuwa wabunge wa Chadema wanakihudumia chama chao kwa kutoa fedha.
Nimefikiria million 300 kwa Mwezi Chadema zinaweza kufanya nini. Hebu tukadirie tu watendaji wa Chadema nchi nzima ambao hiyo Ruzuku ndio inayotumika kuwalipa mishahara.
Chukua tu top management yaani Mwenyekiti, Katibu mkuu, wakurugenzi wote wa chama waliopo na wenyeviti wa jumuiya za chama nk. Hapa hukosi watu 50 chukua tu kila mmoja analipwa milioni mbili utatumia milioni Mia kuwalipa mishahara hawa kwa Mwezi.
Zinabakia milioni Mia mbili chukua makatibu wa Mikoa yote Tanzania hawa walipe tu laki tano kila mmoja. Tufanye hii mikoa ipo 30 tu watagharimu shilingi milioni 150 kwa Mwezi. Sasa ukitoa pale zinabaki milioni 50 hizi ndio zinazotakiwa zishughulikie mambo mengine kama posho za vikao, Mafuta, Kodi za Ofisi nk.
#Hizi chaguzi ni vitu ambavyo havipo kwenye mipango ya chama. Ni mambo ya dharura yanayojitokeza sasa Chadema ikiamua kutoa fedha kwa kila uchaguzi wa marudio si watafilisika kabisa.
Achana na Kesi lukuki zilizopo mahakamani ambazo zinahitaji mawakili na mambo mengine mengi. Hii hela ni kidogo sana tuongee tu ukweli hata Kwetu Dr Bashiru Analia kuwa hatutoi michango na wanalazimika kuanza kufikiria matajiri. Hili lipo wazi..
Kuna wakati Ukweli unashindwa kuuficha kwa akili za Kijinga unaweza kudhani hizo milioni 300 ni nyingi sana ila ukizichakata kiuhalisia hakuna fedha hapo. Nina wasiwasi kuwa Mbowe hutumia fedha zake nyingi kwa ajili ya chama. Kukipenda chama si kupanua tu vidole msaidien Mbowe katika michango la msingi mpate mapato na matumizi.
#Hapa ndipo utakapogundua kuwa Mbowe anaiongoza Chadema kwa miujiza. Nani asiyefahamu kuwa wanachama wa vyama vya Siasa huwa hatutoi michango ya Ada?
Chadema ni tofauti na CCM haina vitega uchumi ambavyo vinaweza kuwasaidia. Sijui nyie Wanachadema mnataka Mbowe atumie fedha zake za mfukoni kukiendesha chama?
Msaidien Mbowe kwa kulipa ada za Uanachama angalau apate mishahara ili aajiri vichwa vya kutosha pale Ufipani.
Sijui mishahara ya watendaji wa chama ila milioni 300 kwa chama kikubwa kama Chadema hazitoshi kukiendesha.
Afisa habari wa Chadema Makene atoke ndani sasa amsaidie Mbowe kujibu hizi propaganda kwa vielelezo.
Ole Mushi.
0712702602