Sehemu ya 21
Nilijaribu kuufungua mlango, ukakataa, lakini pembeni yake palikuwa na kitu kama mashine ndogo, nayo ikaniandikia maandishi ya kuchagua lugha kati ya Kihindi na Kiingereza, nikachagua Kiingereza. Kisha mashine ile ndogo iliyokuwa chini ya kitasa, ikaniomba nichague njia ya malipo, kama nita ‘scan QR code’ au kama nitalipa kwa kutumia kadi yangu ya benki. Ni bahati tu nilikumbuka kutembea na kadi yangu ya benki yenye rangi ya dhahabu. Nikaitoa na kuipachika katika mashine, nikaweka namba za siri na kiasi cha Shilingi elfu hamsini kikakatwa, halafu mashine ikasema, ‘door unlocked.’ Nikahakikisha kwa kukizungusha kitasa, mlango ukafunguka, na kadri nilivyokuwa nazidi kuingia ndani, mapazia yakawa yanashuka ili kufanya walio nje wasiweze kutuona. Nilishangazwa sana na teknolojia hii iliyowekezwa katika biashara ya ukahaba!
Sasa nilikuwa ndani, mapazia yalikuwa yameshuka kiasi cha kutokuonekana na watu waliokuwa nje, nikatazama chini ya kitasa cha mlango, palikuwa na kimashine kama kile cha nje, lakini hiki kilikuwa kikihesabu muda na nilipotazama niligundua zilibaki dakika hamsini na nane. Hapo nikabaini kuwa, ile pesa niliyolipa, natakiwa kuwa ndani humo kwa saa moja, sikufahamu kama endapo ningezidisha muda nini kingetokea.
Baada ya kumaliza kukitazama kifaa kile, niligeuka. Masikini, msichana Asi hakuwa katika sofa alilokaa mwanzo, alikaa kwenye kona kabisa pembeni akiwa hana utayari wa kufanya jambo lolote. Alitetemeka na machozi yalimtoka, alikuwa amejikunyata kama kitoto cha chura, macho katazama sakafuni. Ndipo sasa niliitoa ile barakoa. Halafu nikaita, “Asii.” Alishtuka, akanitazama kwa hamaki, alipogundua ni mimi, akanirukia kwa furaha.
“Mako ni wewe?” Aliuliza kwa sauti.
“Ni mimi Asi,” nilijibu nikitabasamu. Kwa kuwa alinirukia, nilikuwa bado nimembeba, basi nikambwaga katika godoro lile lililojazwa upepo, tukanesa tukilaliana.
“Sikudhani kama ningekuona tena, hata sasa siamini Mako!” alisema msichana, nilipomtazama nikagundua aliyapunguza mavazi, sasa alibaki na kikaptura kidogo sana chepesi tena cha kubana, nikashangaa, mavazi mengine aliyabwaga muda gani?
Asi alikuwa mweusi aliyevutia sana. Umri mdogo, sura iliyochongoka kama yai na ngozi laini yenye umoto wa baridi kiasi nayo sauti yake ya mahaba iliyobembeleza mithili ya magita yanayopigwa na magwiji Dally Kimoko na Santana vilinichanganya ukizingatia nililala naye kitanda kimoja kilichotengenezwa kwa ajili ya starehe, basi nikajikuta nisiyejitambua, nikampiga busu, halafu nikazichezea chuchu zake zilizokuwa wazi, halafu taratiibu nikaanza kuushusha mkono kuelekea chini.
“Mako…” Asi aliita, sikuitika, akaendelea. “Unafanya nini Mako, mimi na wewe siyo wapenzi.”
Nilishtushwa na kauli hii ndipo nikakumbuka mambo yote, mimi na Asi hatukuwahi kuwa wapenzi, tulionana tu huko uswahili, akapotea na nikaanza kumtafuta.
“Mako,” Asi aliita, hakujali kama nimeitika au la, akaendelea, “Kama unanitaka, nitongoze, tena nitongoze kwa heshima zote na jibu lako nitakupa baada ya wiki mbili.”
Nilimtazama usoni nikiwa nimelalia ubavu wa kulia, naye akanitazama, tukacheka sana.
“Kwa mara ya kwanza nimeyaweka rehani maisha yangu. Kutaka kulala na mwanamke anayejiuza, mwanamke wa kila mtu,” nilisema nikimtazama Asi.
“Ni ngumu kuamini Mako, leo ni siku yangu ya pili humu, nimeanza jana, sikupata mteja siku nzima kwa sababu mapazia hayakufunguliwa, niliwaomba waniache nizoee hali ya chumba changu kwanza,” alijibu msichana.
“Kwa hivyo leo upo tayari kwa kazi?” niliuliza.
“Sipo tayari, muda wote nimejiinamia, nilipanga akipatikana mteja, nipambane naye, nife mimi au afe yeye, lakini kazi hii hapana.”
“Ilikuwaje ukaja hapa?”
“Babuu alikuja kwetu Tanga akidai anatafuta wasichana watakaofanya kazi nje ya nchi. Kazi zenyewe za ofisi na mshahara mnono. Alinichukua mimi lakini kwenye gari nilikutana na wenzangu watatu. Tulipofika Dar es Salaam katika ile nyumba uliyoniona, tukakuta wengine wawili, halafu walikuja wawili wengine wakatukuta pale. Peke yangu nilichukuliwa kuletwa India. Muda wote nilidhani nakuja kufanya kazi ya ofisi. Baada ya Kufika India, wametumia siku kadhaa kunitengeneza, kunifundisha taratibu za kazi hii namna tutakavyogawana malipo na ofisi, na mambo mengine mengi. Baada ya kuamini nimehitimu na kuelewa, sasa wamenibwaga humu nikisubiri wateja.”
“Pole sana Asi.”
“Asante sana kaka yangu, hata sijui nifanye nini?”
Inaendelea...
Kuwa wa Kwanza Kupokea mwendelezo wa Riwaya hii Kwa kujiunga katika Group la bure WhatsApp,
Gusa Hapa Kujiunga
Tupate Wadhamini:
Kwa Mahitaji ya kuandikiwa CV, Barua ya Maombi ya Kazi na Masomo kwa Wanafunzi wanaorudia mitihani,
Gusa Hapa Tuwasiliane Whatsapp.
