tatizo wamelibeba hili jambo kihisia sana ndomana
Mwaka 2016 October nilijifungua mtoto njiti kwa njia ya oparesheni akiwa na uzito wa kg 1.2 tu, mimba ilikua ya miezi 6 na wiki mbili.
Amekaa kwenye incubator kwa muda wa siku 32 uzito ukibaki vilevile kg 1.2 pamoja na kufuata njia zote za “kitaaluma na kisayansi “ wanazoelekeza wauguzi.
Siku ya 31 nilimfata daktari mkuu wa NICU na kumuomba nijaribu njia za “kienyeji na kiutamaduni “ alizowahi kutumia mama yangu miaka mingi nyuma, baada ya mjadala mrefu na viapo vya kutokuwajibika likinikuta jambo wakanihamishia chumba cha uangalizi kuona kama method zangu zitasaidia.
Method ya kwanza, kila muda tuliopangiwa wa kwenda kunyonyesha na kuwahudumia vichanga wetu, nilimkumbatia mtoto ngozi kwa ngozi huku nikimpa maziwa kupitia bomba la sindano maana hakuweza kunyonya ziwa mwenyewe by then, zoezi hilo lilikua linadumu kwa muda wa saa nzima na dakika 45 na dakika 15 nazitumia kumsafisha yeye, Mimi na mazingira yake kwanza.
Ndani ya siku 4, mtoto uzito uliongezeka kutoka kg 1.2 mpaka kg 1.8 just like that! Baada ya kutimiza siku saba mtoto akiwa na kg 2.08 niliomba nifanye method namba mbili, kuhamia nyumbani ambapo chumba cha kulala kiliandaliwa cha kwangu na mtoto tu.
Chumba tulikifunga pote, madirisha yalizibwa kwa plastic sheeting kuleta joto, mifuko special ya kutunza maji ya moto ilikua inawekwa kuzunguka kitanda muda wote, maji yalibalishwa kila asubuhi.
Mtoto alikaa kifuani kwangu ngozi kwa ngozi kila mara maana kazi yangu ilibaki kulea tu. Huko waliingia wale wenye nasaba na mtoto tena wakiwa wasafi bila harufu yoyote ya manukato ya aina yoyote. Muda wote nilikua naosha mwili wangu kabla ya mshika na maji ya moto bila sabuni. Hatukuruhusiwa maziwa ya kopo Kwahiyo alitegemea maziwa yangu tu tena kila baada ya nusu saa (literally 30 minutes).
Siku saba baada ya kuhamia nyumbani tukarejea hospital kupima uzito na kuangalia maendeleo, mtoto alikua na kg 3.1 mwenye nuru na afya njema sana na alianza kunyonya mwenyewe.
Check up nyingine ambayo ilikua ya mwisho tukafanya mwezi mmoja baadae ambapo alikua na kg 5.4 na macho yenye kuona kila kitu. Hii ilifanya mpaka yule Doctor mkuu wa NICU kuja nyumbani kuona haswa tunafanya nini na mtoto analishwa nini maana maziwa ya kopo walinikatalia kumpa wakisema yanaleta matokeo fake.
Baada ya uongozi wa pale NICU kuona hiyo method inafanya kazi wakaiendeleza kwa pale na kuwaelekeza pia namna ya kufanya nyumbani kwa wale wenye uwezo.
My baby girl is doing perfectly fine Alhamdulillah, class 4 sasa!
Hakuna kitu kitaizidi asili, asili inaumba, asili inatibu, asili inasahihisha, ila tu ukiipa nafasi.
KTY; Tanzania hii wapo wasomi wenye uelewa wa pande zote za shilingi na wanatambua kabisa kwamba haina pande mbili tu, tuheshimu Utu!
