Nakumbuka kuna siku niko peke yangu kwenye gari mchana kweupeee mitaa ya kkoo opposite na kituo cha polisi msimbazi.
Ishu ilikua hivi, kulikua na kifoleni cha kizushi tu gari zinasonga mdogo mdogo, na mie nipo kwenye foleni nimefunga zangu vioo nakula acc tu, nasogea kidogo nikasikia papapaaaa! Nikastuka, naangalia kwa umakini nje naona kila mtu anatafuta njia ya kukimbilia, wakati sijakaa vizuri naendelea kuzisikia tena papapaaa!
Kutazama pande zote kweupeeeeee yaani kama sio kkoo vile, mara namuona polisi anatokea kituoni ameshika mjegejo wake nae anapiga hewani huku anakimbilia pale ilipo gari yangu.(wakati huo mimi najiuliza, nifungue mlango nitoke nduki ama nifanyeje) mara kidogo zikalia tena upande wa pili(mtaa ule ilipo stand ya daladala za mbezi) zilipolia zile zilikua mfululizo mpaka yule askari akateleza(mie nikigeuza shingo huku nawaona wazee wa kazi hawa hapo hata presha hawana, nikigeuka huku namuona askari na mjegejo wake, hebu vuta picha upo mtu kati) basi bwana yule askari alivyoinuka tu akaifanya gari yangu guard/gadi.
Akawa anapiga juu jamaa nao wakajibu halafu haoooooo wakapanda kwenye bodaboda tatu wakasepa kuelekea yalipo makao ya klabu ya yanga, hapo ndo nikaona askari wengine wanajitokeza na raia wanaanza kurudi kwenye vyombo vyao.
Mie hapo kijasho kinanitoka pamoja na kuwa acc inawaka, sitaisahau hiyo siku, halafu kilichoniponza zaidi mpaka kujikuta uwanja wa vita ni kitendo changu cha kuwasha muziki wa sauti ya juu mpaka unashindwa kusikia mambo yanayoendelea nje, na hii tabia ilishawahi kunigharimu tena, ngoja niwape japo ni nje ya mada.
Kuna siku nayo ni mida ya mchana natoka zangu mitaa ya posta nakuja morocco, ujana mwingi nimefungulia mziki kwa sauti kuuuuubwa, nafika ile petrol station ya kabla ya mataa ya saint Peter’s nikaingia kujaza mafuta.
Nimemaliza fresh kabisa natoka ili niingie main road nakuta barabara nyeupeee hakuna hata gari, bwana bwana bwana! Hata sikujua nini kinaendelea mie nikaangalia kulia naona gari ipo mbali nikaingia, ile napandisha kile kilima kuelekea mataa naona mi V8 ya kutosha imeniweka mtu kati(kama mnavyojua magari ya msafara yanavyosambaaga barabarani, mara hili litoke kushoto kwenda kulia na lile nalo vile) msafara ukapunguza spidi kabisaaaa(na mie tayari nishachanganyikiwa nayumba tu na kagari kangu, kulia si kulia kushoto si kushoto naelea tu) kioo cha moja ya yale magari kikashushwa nikaonyeshwa tu alama za kidole ile ya weeeweeee!
Aaaah! Nilishtuka gari imezima japo ni auto(nilizima bila kujielewa yani)
Mara paaap msafara ukatembea nikabaki peke yangu nimetoa macho tu, kidogo askari yule aliekua kwenye mataa akaja mbiooo na kitambi chake
Kufika pale hakuna cha kuuliza nini wala nini nilikula makofi kama matatu ya kunirudisha kwenye hali yangu.
Nikawekwa siti ya nyuma, akaiwasha gari fasta akaipeleka kwenye kibanda chao kile cha kumalizana( hapo kumbuka hajanisemesha kitu) nafika pale nakuta clue nzima nikashushwa kama jambazi( mitama ya DAR to LAGOS nilichezea ya kutosha)
Baada ya hapo ndo naulizwa ulitaka kufanya nini mi nikawaambia sikujua kama kuna msafara
Wakaniambia umevamia msafara wa mke wa rais( kilikua kipindi cha babu cheka/mkwere)
Basi baada ya ile presha kutulia nikaanza kubembeleza yaishie pale, nikaambiwa ngoja mpaka msafara ufike salama ndo tutaongea
Ilinitoka 70 na nilikaa masaa matatu pale pale.
Nilipotoka hapo hata nikisikia honi ya bajaj napunguza mwendo kuhakikisha.
Yaani sitasahau. Poleni kwa kwenda nje ya mada
Sent from my iPhone using JamiiForums
