Tumetoka mbali: Mada maalum ya matukio ya zamani

Tumetoka mbali: Mada maalum ya matukio ya zamani

Picha za Kihistoria za Zanzibar : Harakati za kimaisha katika mitaa ya Mji Mkongwe enzi za zamani ...hapa ni njia ya Forodhani mbele ya Ngome Kongwe kuelekea njia ya chini ya Jumba la Kulelewa Watoto .
1770725632067.jpg
 
Kwenye Ngoma ya Izzo Business aliyo washirikisha Ngwea na Quick Rocka inaitwa Ball Player, katika nyimbo Ile Ngwea alisimama kwenye verse ya pili, Kuna mauaji makubwa Ngwea aliyo yafanya kwenye verse hiyo,

Moja ya Mstari kwenye verse hiyo anasema;

"Wakati umezubaa, una nidiss Kwa mtaa, mi nafanya BUSINESS zangu na QUICK Kwa LAMAR"

Ukitazama huo Mstari utagundua kuwa alitaja wote walio husika kwenye nyimbo hiyo, kuanzia Mwenye nyimbo (Izzo BUSINESS), Aliye imba chorus (QUICK Rocka) na Producer wa wimbo huo (LAMAR).

Ngwea Kwa kichwa chake hakuona kama Kuna haja ya kuwataja wote Kwa jina Moja Moja yeye akaona achore Mstari kabisa na akamaliza kazi.

Na hiki ni Moja ya vitu vilivyo fanya aheshimike, na mpaka leo hakuna kichwa kinacho weza kuwa na ubunifu kama huo.
1770815567203.jpg
 
Mwaka 1980, dunia ilishuhudia picha ya ajabu zaidi katika historia ya usafiri wa anga; Utekaji nyara ambapo kila mtu ndani ya chumba cha marubani alikuwa akicheka.

Ndege ya Turkish Airlines Flight 431 kutoka Munich kwenda Ankara ilitekwa nyara na magaidi wanne, ambao walidai ndege ile iruke kwenda Tehran, Iran.

Lakini ndani ya chumba cha rubani (cockpit) ilitokea tukio la ajabu ambalo lilipelekea kuondoka kwa hofu ya utekaji kwa muda.

Mara baada ya mtekaji nyara alipomwekea Kapteni Baha Yılmaz mdomo baridi wa bunduki nyuma kwenye shingo yake, rubani huyo badala ya kuogopa, alianza kucheka kwa sababu bunduki ile ilikuwa ikimtekenya.

Hali hiyo ilibadili wasiwasi kuwa vicheko kwa wote ndani ya chumba hicho.

Tukio hilo ambalo lilipigwa picha na mwandishi wa habari Coşkun Aral, ambaye alikuwa abiria na kuwashawishi watekaji nyara kumruhusu kuandika tukio hilo.

Ndege hiyo hatimaye ilitua Diyarbakır, Uturuki, kwa ajili ya kujaza mafuta.

Baada ya kusimama kwa saa 48, vikosi maalum vya usalama vya Kituruki vilifika ndani ya ndege hiyo na ikawa moja ya operesheni hatari ingawa abiria wote 148 walinusurika.
1770898942130.jpg
 
Picha ya kihistoria ya Kapteni Victor Vizcarra wa jeshi la anga la Marekani (USAF) inamuonyesha akiwa katika hali ya mshtuko mara baada ya kuokolewa Vietman mnamo Novemba 6, 1966.

Picha hiyo ilipigwa kwenye Meli ya USS Halsey (DLG-23), manowari ya makombora iliyokuwa imeharakisha kusogelea Helikopta iliyomuokoa rubani huyo.

Rubani Victor Vizcarra alilazimika kujifyatua kutoka kwenye ndege yake ya kikeshi ya F-105 Thunderchief juu ya Vietnam Kaskazini baada ya kuharibiwa wakati wa misheni.

Alipokuwa akishuka kwa mwamvuli (parachute) ndege yake iliyokuwa inawaka moto ilipita chini yake kabla ya kuanguka kwenye mlima.

Vizcarra alikuja kuokolewa na Helikopta kutoka kwenye msitu wa Vietnam.
1770920796403.jpg
 
Naam Bwana huyu alikuwa anajiita Victor Lustig. Wengine walimfahamu kama “Count Victor Lustig”, wengine kama Robert Miller jina mojawapo tu kati ya zaidi ya majina 45 aliyokuwa akitumia. Lakini nyuma ya majina hayo yote, kulikuwa na mtu mmoja mwenye akili ya kipekee katika sanaa ya udanganyifu; mtu ambaye aliwahi kuuza Eiffel Tower… si mara moja, bali mara mbili.

Alizaliwa mwaka 1890 katika mji wa Hostinné, eneo ambalo leo ni sehemu ya Czech Republic, lakini wakati huo lilikuwa ndani ya Dola ya Austria-Hungary. Asili yake haikuwa ya kifahari sana kama alivyopenda kujionesha; baadhi ya vyanzo vinasema familia yake ilikuwa ya kawaida, wengine wanasema ilikuwa maskini. Lakini jambo lisilopingika ni kwamba alipata elimu nzuri na mapema sana aligundua nguvu ya lugha. Hivyo alijifunza Kifaransa, Kiingereza, Kijerumani, Kicheki na lugha nyingine kadhaa. na lugha ndo ilikuwa silaha yake kubwa.

Alikuwa na kovu kwenye shavu la kushoto .. hadithi zinasema alichanwa na mke mwenye wivu. Haijulikani kama ni kweli au ni hadithi nyingine tu iliyoongeza mvuto wake. Kwa sababu Lustig aliishi kwa hadithi. Alijijengea taswira ya mtu wa tabaka la juu, mwenye heshima, mwenye sauti tulivu na mavazi ya kifahari. Hakuwa jambazi wa kutumia bunduki. Bali alikuwa jambazi wa akili.

Kwa mara ya kwanza kabisa katika matukio yake, alianza kwa ulaghai mdogo kwenye meli zilizokuwa zikisafiri kati ya Ulaya na Marekani. Aliwadanganya abiria matajiri kwa michezo ya kamari, mikataba hewa, au uwekezaji wa uongo. Lakini akili yake haikutosheka na pesa ndogo. Alihitaji kitu kikubwa. Kitu cha kihistoria....

Mwaka 1925, akiwa Paris, alisoma makala ndogo kwenye gazeti iliyolalamikia gharama kubwa za kulihudumia Mnara wa Eiffel. Mnara huo, uliojengwa mwaka 1889 kwa maonyesho ya kimataifa, haukupendwa na wote mwanzoni, na kulikuwa na mijadala ya kuubomoa. Watu wengi waliona kama ni mzigo wa kifedha.

Ndipo wazo la ajabu lilipozaliwa.

Je, kama serikali ingetaka kuuza mnara huo kwa chuma chakavu… kwa siri?

Baada ya wazo hilo...
Lustig alitengeneza hadithi kamili. Aliajiri mtengenezaji wa hati bandia kuandaa karatasi rasmi zenye stempu za serikali ya Ufaransa. Akajipa cheo cha Naibu Mkurugenzi Mkuu wa Wizara ya Posta na Telegraph. Akakodisha chumba cha kifahari katika Hôtel de Crillon, moja ya hoteli za hadhi ya juu zaidi Paris. Kisha akaalika wafanyabiashara wakubwa wa chuma chakavu kwa mkutano wa siri.

Aliwaambia kuwa serikali imeamua kuubomoa mnara huo kimyakimya ili kuepuka hasira za umma, na wanahitaji mnunuzi wa chuma hicho. Aliwapeleka hadi kwenye mnara kwa ziara maalum, akazungumza kwa kujiamini, akataja takwimu za uzito wa chuma, gharama za matengenezo, na taratibu za zabuni.

Mmoja wao, André Poisson, aliona fursa ya maisha. Lakini Lustig kutokana na ujanja wake hakuuza tu mnara; aliuza pia hofu ya kukosa nafasi. Alimshawishi Poisson kwamba kulikuwa na ushindani mkali, na kama angeongeza “kiasi kidogo cha ziada” kwa ajili ya kurahisisha mchakato, mambo yangekwenda haraka.

Poisson alitoa hundi kubwa, inayokadiriwa kufikia karibu franc milioni moja, pamoja na rushwa ya ziada.

Lustig alipokea pesa, akafunga mizigo yake, na kutoweka Paris mara moja.

Cha kushangaza, Poisson baada ya kutapeliwa hakuenda polisi mara moja. Aibu ilimzuia. Aliogopa kuonekana mjinga mbele ya jamii ya wafanyabiashara. Poisson akaona mambo yasiwe mengi akakausha.

Baada ya mwezi mmoja tu, Lustig alirudi Paris na kujaribu kuuza mnara huo tena kwa kundi jipya. Safari hii, mmoja alishtuka mapema na kuwasiliana na polisi. Lakini Lustig alikuwa tayari ametorokea na kukimbilia Marekani.

Alivyofika marekani akafanya tukio lingine. Kwa kuuza “Rumanian Box” kifaa kidogo kilichodaiwa kuchapisha noti halisi za dola mia moja. Aliweka noti halisi ndani kama mfano, mashine “ikatoa” noti nyingine. Mnunuzi alipoenda nyumbani, mashine ilifanya kazi kwa muda mfupi kisha ikanyamaza milele. Watu walilipa kati ya dola 20,000 hadi 50,000 kwa kifaa hicho.

Hata jina la Al Capone liliingia kwenye orodha ya waliokutana naye. Lustig alimshawishi Capone ampe dola 50,000 kwa uwekezaji fulani. Badala ya kukimbia nazo, alizihifadhi kwa muda kisha akazirudisha akidai biashara haikufanikiwa. Capone alivutiwa na “uaminifu” huo na akampa zawadi ya pesa kama shukrani. Hivyo Lustig alimlaghai bila hata kuiba rasmi.

Baadaye alihusika katika uchapishaji wa noti bandia za dola mia moja nchini Marekani, kiasi kikubwa cha fedha bandia kikaingia katika mzunguko wa pesa. Hatimaye, mwaka 1935, maafisa wa Secret Service walimkamata New York. Alihukumiwa miaka 20 gerezani na kupelekwa katika gereza maarufu la Alcatraz, kisha baadaye Springfield, Missouri.

Inasemekana aliwahi kuandika ukutani mwa seli yake ujumbe mfupi kuhusu Mnara wa Eiffel, akijivunia kwamba aliwahi kuuuza kwa franc 100,000. Hadi gerezani, alibaki kuwa muuzaji wa hadithi.

Alikufa Machi 11, 1947 kwa nimonia, akiwa na umri wa karibu miaka 57.

Hakuwahi kutumia bunduki. Hakuvunja milango kwa nguvu. Silaha yake ilikuwa saikolojia .... tamaa ya faida ya haraka, hofu ya kukosa nafasi, na aibu ya kukubali kudanganywa. Aliwafanya watu matajiri, wasomi, na wenye mamlaka waamini ndoto isiyowezekana.

Na hapa ndipo funzo linapojitokeza: mara nyingi si ujinga unaotuangusha, bali uchoyo na kiburi. Watu hawadanganywi kwa sababu hawana akili. Wanadanganywa kwa sababu wanataka kuamini kitu kinachowanufaisha.

Huyu mwamba hakuiba tu pesa. Alikuwa anaanza kwanza kuuza matumaini, kisha hadhi, na watu walikuwa wanaingia kwenye mitego yake kirahisi tu.

Naam namaliza namna hiyo.... Hii nimoja ya story za kufurahisha tu hasaa kujua kuwa ulimwengu unawatu wajanja wasioogopa.

1771116355457.jpg
 
Katika Olimpiki ya London ya 1908, medali ya dhahabu ilitengenezwa kwa dhahabu dhabiti, ikiashiria moja ya mara chache katika historia wakati mabingwa wa Olimpiki walipokea medali iliyojumuisha 100% ya dhahabu. Kadiri Michezo ilivyopanuka na gharama ya madini ya thamani kuongezeka, mazoezi haya yakawa hayafai kifedha. Medali za dhahabu za kisasa za Olimpiki kimsingi zinatengenezwa kwa fedha, na safu nyembamba ya nje ya dhahabu. Katika Olimpiki ya Paris ya 2024, medali ya dhahabu ina takriban 1% ya dhahabu, na nyingi zikiwa za fedha chini ya mchoro. Ingawa muundo umebadilika sana kwa wakati, thamani ya mfano ya kushinda dhahabu ya Olimpiki inabaki kuwa na nguvu.
1771129097389.jpg
 
Mshana Jr said:
Ni miaka 126 tangu kuuwawa kwa Mangi Meli Mandara ,kiongozi wa Old Moshi ,mtoto wa Mangi Mandara,
Raia wa Tanzania anayeishi nchini Ujerumani Mnyaka Sururu Mboro, amekuwa akitafuta fuvu lililotoweka la Mangi Meli kwa miaka zaidi ya 40.

Mangi Meli, chifu kutoka eneo la kaskazini ya sasa ya Tanzania aliuawa mwaka 1900 kwa kupambana dhidi ya utawala wa ukoloni wa Ujerumani.

Baada ya kuuawa mwili wake uliakatwakatwa na kichwa chake kikasafirishwa kwenda nchini Ujerumani.

Ujerumani yarejesha mafuvu ya watu iliowaua Namibia 1904
Lilipo fuvu lake bado haijulikani, lakini baada ya wakfu unaofahamika kama Prussian Cultural Heritage wa mjini Berlin kugundua mafuvu zaidi kutoka Tanzania, imempa Bw Mboro matumaini mengi.
Anatoka eneo sawa na alilokuwa akitoka Mangi Meli, na mwaka 1977, kabla hajaondoka kwenda kusoma Ujerumani alimuambia bibi yake kuwa angetafua fuvu hilo.

Watafiti wamegundua mabaki 200 kutoka Tanzania mengi yakiwa ni mafuvu ambayo yalichukuliwa wakati nchi bado ilikuwa chini ya utawala wa Ujerumani.View attachment 3540021
Click to expand...
Hawa jamaa aisee kwahio walichukua vichwa vya viongozi wetu kama trophy flani ivi.
 
JESSE JACKSON UMETUTIA MOYO TULIOBAKI

Mwanaharakati mtetezi wa haki za binadamu, mwanadiplomasia, mwanasiasa na kiongozi wa Kanisa wa Marekani, Mch. Jesse Jackson alipowatembelea manusura wa mauaji wakati wa Uchaguzi wa Kenya wa Desemba 2007.

Picha hii ilipigwa Februari 2008 ikiwa ni miezi mawili tangu kuibuka kwa ghasia za uchaguzi nchini Kenya. Lakini jambo la kushangaza zaidi ni kuwa mamlaka za Kenya sio tu hazikuficha taarifa za maafa hayo, lakini pia hazikuwazuia viongozi kutoka jumuiya ya kimataifa waliofika Kenya kutaka kujionea madhara ya mauaji yale ya halaiki.

Kwa upande wa Tanzania, sio tu kuwa serikali ilikuwa inakanusha taarifa za mauaji ya halaiki ya 29 - 31 Oktoba 2025 kama ilivyokanusha ile video ya Mwananyamala; lakini pia hakukuwa na kiongozi yeyote kutoka jumuiya ya kimataifa aliyewahi kuruhusiwa kufika hospitalini kuona hao manusura kwani pia hospitali hazikutoa taarifa rasmi kuhusu manusura hao.

Leo tumepata taarifa kuhusu kifo cha Mch. Jesse Jackson huko Marekani akiwa na umri wa miaka 84. Dunia nzima imeguswa na msiba wake kutokana na maisha aliyoishi ya kutetea haki tangu alipokuwa mashirika wa karibu sana na hayati Mch. Martin Luther King, Jr.

Na mimi pia ninaungana na viongozi wengine katika kukumbuka na kuenzi maisha ya Mch. Jesse Jackson katika maisha haya. Mch. Jesse Jackson anakuwa ni miongoni mwa viongozi wa dini wa mwisho waliosimama kwa ajili ya kutetea haki duniani katika Karne ya 20 ambao waliishi kuiona Karne ya 21 au milenia ya tatu. Mwingine alikuwa ni Askofu Mkuu wa Captown, hayati Desmond Mpilo Tutu.

Mch. Jesse Jackson ameishi na kushuhudia watoto na wajukuu wa watu waliompiga risasi na kumuua Mch. Martin Luther King, Jr., nao wakiweka kofia zao mikononi mbele ya Jesse Jackson. Risasi hazikuweza kuwaua wapigania haki wote, wapo walioshinda nguvu ya risasi kama Mch. Jesse Jackson.

Ushuhuda wa Jesse Jackson unatutia moyo na sisi huku Tanzania. Hatutauwa sote kwa risasi za wenye mamlaka, hatupotezwa wote kupitia mikono ya watu wasiojulikana, hatusingiziwa wote, kesi ya michongo, hatuikimbia nchi sote kuokoa maisha yetu, hatutanyamazishwa sote kwa mbinyo kutoka kwa wenye mamlaka. Bali wapo masalia watakaobaki kama alivyobakia Mch. Jesse Jackson. Hao watasimulia juu ya maisha yetu kama tutawatangulia. Lakini kama watatutangulia, sisi ambao tutabaki tutasimulia kuhusu habari zao.
Je, nini kimekushangaza? Je, nini maoni yako?

Mwana Kondoo Ameshinda! Tumfuate!
Askofu Emmaus Bandekile Mwamakula
Itunge, Dar es Salaam; 17 Februari 2026; Saa 3: 00 usiku
1771373580730.jpg
 
Kama ulikuwa hujui...

Kabla magari hayajawa deal, Askari wa Usalama Barabarani walikuwa wanakamata baiskeli.... Makosa yaliyokuwa yanakamatisha

1. Kama haina Kengele
2. Breki
3. Pedal imebaki msongo
4. Kibati (Ushuru wa Halmashauri)
5. Tairi kipara
6. Haina taa
7. Ina taa ila haina Dynamo
8. Dyamo haifanyi kazi
9. Ukiendesha umevua shati...
10. Ukiendesha hujavaa Makubasi

Faini yake ilikuwa kati ya Shilingi 5 mpaka Sh 20... Nyakati hizo Baskeli mahiri Phoenix ilikuwa inauzwa Sh. 1,500 na hizi Swala, Gazebo, shangsheng na nyingine zilikuwa 659-800

Sasa siku ukimsikia mtu anakwambia familia yao ilikuwa maskini mpaka hawakumudu kununua baskeli hizo ndo zilikuwa bei za baskeli...

Alafu kuna wale Askari wa Usiku na Usiku wa Manane, wenyewe wlikuwa wanakamata zisizo na taa tu... Faini yao ilikuwa 50 -200....

HII NI KWA WAHENGA ORG TU.
IMG-20260218-WA0061.jpg
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register