Kuna binti namfahamu juzi kati amepata mchumba,kijana ni Muslim na binti kwao ni wakristo. Kijana yupi tayari kwenda kutoa mahali binti anasema yeye hawezi kubadili dini kuwa Muslim anasema labda kijana ndio abadilishe na kijana huyo radhi abadili ili amuoe binti lakini wazazi wake wamemkataza.
Sasa imagine dini ambazo sio zenu ni za waarabu na wazungu huko,zinaleta mgogoro mpaka watu wanaopendana wanashindwa kuoana.Ukirudi miaka 40-50 iliyopita hawa watu wangeishi pamoja maana jamii ilichukulia issue za dini kama njama za wazungu na waarabu kututawala
Mimi miaka kadhaa iliyopita, mchumba wangu aliniuliza mimi dini gani. Nikamwambia achana na mambo ya dini.
Dini haisaidii chochote kwenye mahusiano yetu.
Baadaye Sana karibu mwaka akagundua ninasali sabato.
Akaniambia abadilishe kutoka Roma awe Msabato. Nikamwambia haina mana yoyote
Haitaongeza wala kupunguza chochote. Kama ningehitaji binti Msabato ningeoa huko usabatoni.
Mimi ninaangalia Tabia na imani kuliko dini. Factors zingine zikiwa palepale.
Baada ya miaka 5 kwa mara Kwanza tunaenda kanisani.
Siku mwambia abadili dini. Alibadili mwenyewe baadaye. Na nilimuambia unabadili Siku nimekuacha utaacha dini mpaka lini. Akasema hajabadili kwaajili Yangu.
Mara ya Kwanza tunaenda kwa wazazi wangu. Nikawa nimemvalisha suruali.
Akaniambia hawezi kuvaa suruali akienda ukweni tena mara ya kwanza
Nikamwambia vaa tuu. Sio tatizo.
Akavaa, hao tukalala Dodoma Siku mbili,
Hao tukafika Arusha, tukakaa pale Siku mbili.
Sasa safari ya kwenda home, Moshi kwa Wazazi wangu ikafika.
Siku hiyo usiku akaniambia Mimi kwa kweli sijisikii comfortable kuvaa suruali mbele ya Wakwe zangu.
Nikamwambia avae anavyosikia comfortable
Siku tulipoenda akawa amevaa gauni zuri.
Wazazi walifurahi Sana.
Tukiwa wote nikawa nahadithia hiyo situation. Wazazi wakawa wanacheka kweli.
Nikamwambia kesho asubuhi tusijemkuta yupo juu ya paa anasafisha paa na kutoa tando za buibui ili aonekane Wife material au isemwe Robert amepata Mke.
Nilimwambia Robert hapendi Wema au tabia njema za ku-fake.
Aishi kama tunavyoishi au anavyoishi kwao
Basi tulikaa pale wiki moja na nusu. Tukifurahi sana.
Baadaye tukaenda Kwao. Mambo yalienda hivyo.
Niliwaambia Wakwe zangu mambo ya ku-fake fake kwa kweli hayatanifurahisha na niliongea waziwazi.
Ni Bora Nile ugali mlenda kwa uwezo halisi kuliko mnikaribishe kwa kujibana, kukopa ili mnipikie manyama, sijui mavyakula gani.
Sisi Watibeli hatufurahishwi na ukaribisho fake wa mavyakula na vinywaji.
Mimi nikija kwako, endelea na ratiba yako ya kawaida ya kula. Kama ni ugali nitakula ugali. Hayo mambo ya maandalizi kwangu ni utapeli.
Ukweli, uwazi, humweka mtu huru. Huleta furaha ya kweli.
Hayo yote vijana wanatakiwa wafundishwe.