Mkuu picha yako ya dunia ni ajabu. Nakubali dunia si Marekani - ila unapata wapi hoja kuwa nchi za Ulaya zinarubuniwa na Marekani?
Mbona nchi hizo waliwekeza pesa nyingi kwa muda mrefu huko Urusi kwa shabaha ya kujenga uchumi wake ulioporomoka kabisa baada ya miaka ya ukomunisti? Nilionyesha tayari mfano tasnia ya magari hakuna kampuni au kiwanda kilichoendelea bila kushirikiana na makampuni ya Ulaya magharibi (ama kwa njia ya kuwekeza, au kununua tekinolojia kutoka kule - kinyume kampuni gani ya huko ilinunua tekinolojia kutoka Urusi??).
Mataifa ya Ulaya yalijenga umoja gumu baada ya karne nyingi za vita kati ya nchi za Ulaya. Vita hizo zilikuwa pia balaa kwa dunia yote. (Tanganyika iliona vifo vingi kwenye miaka 1914-1918 kwa sababu ya vita baina ya Uingereza na Ujerumani). Kwa hiyo si kitu kibaya kama nchi hizo zinatafuta njia ya kuishi kwa amani. Urusi iliwahi kushiriki katika juhudi hizo ikajiunga na mapatano ya Ulaya kama vile Council of Europe na Organization for Security and Co-operation in Europe (OSCE).
Ila tangu 2014 wanaona kwamba Urusi inavunja mapatano hayo yote.
Unaamini kweli kwamba Latvia, Estonia au Finland wanahitaji kuamiwa na mtu yeyote kuwa Urusi ni jirani hatari??? Hujui kwamba wote waliashambuliwa na Urusi katika karne ya 20??? Nchi za Baltiki kuwa koloni za Urusi baadaye, Finland kupotea sehemu kubwa ya ardhi yake?