Nafahamu inawezekana na wako wanaoishi kwa kujikadiria matumizi ya pesa. Mimi si mmoja wao, japo ninapokuwa na jukumu fulani, hapo nalazimika kujikadiria. Unapojua kipato chako ni kiasi gani, na pia umekadiria kila aina ya mahitaji yako ni kiasi gani, basi katika hayo makadirio kama kutakuwa na cha ziada kinabaki, hicho ndio cha kuanza kukiweka mbali nawe, yaani akiba.
Unapoanza matumizi, kabla hujanunua chochote, unajiuliza, je nakihitaji? Maana huwa inatokea, unajinunulia kitu ambacho unacho tayari nyumbani kwako, kwa kuwa hukumbuki au hukuangalia kama umeishiwa au la wewe unanunua tu. Kama kweli unakihitaji, nunua.
Umeombwa ushauri wa jambo, unazua yako yasiyohusiana na shida ya mtu. Tubadili mtazamo isiyo na tija!