Kwa wale wanaosema kwamba ushoga ukionekana ni jambo la kawaida utahamasisha vijana wa kiume kuwa mashoga zaidi na zaidi, hii siyo kweli.
Nchi ya Ufaransa iliondoa sheria za kuadhibu mapenzi ya jinsia moja mwaka 1791 wakati wa French Revolution, na tangu hapo suala hili halihesabiwi kama kosa la jinai, lakini hadi leo idadi ya wanaojitambulisha kama mashoga ni takriban asilimia 4 tu ya wananchi wote.
Kibaiolojia na kisaikolojia kwa kiwango kikubwa wanaume huvutiwa na wanawake na wanawake huvutiwa na wanaume, huku sehemu ndogo ya watu ikiwa na mvuto kwa jinsia moja, na muundo huu umeonekana kuwa kawaida katika jamii nyingi duniani.
Pia ni muhimu kutenganisha dhana ya ushoga na aina fulani za vitendo vya kingono. Siyo kila mahusiano ya kimapenzi ya wanaume hujumuisha kufirana (anal sex), kama ambavyo hata mahusiano ya wanaume na wanawake hayafuati mfumo mmoja tu. Tabia za kimapenzi hutofautiana kati ya watu binafsi.
Kuhusu maadili na tamaduni, si sahihi kusema ushoga ni “utamaduni wa watu fulani (wazungu)" Tu.
Kihistoria, jamii nyingi duniani zikiwemo nchi nyingi za Ulaya ziliwahi kupinga Ushoga, lakini mabadiliko yaliyotokea katika baadhi ya nchi za Ulaya yalichangiwa na kuongezeka kwa mifumo ya secularism na kuimarika kwa sheria za haki za binadamu, siyo kwamba ulikuwa utamaduni wao wa asili. Hivyo, mitazamo ya jamii kuhusu ushoga hubadilika kadri uelewa wa kisayansi, sheria, na maadili ya kijamii unavyobadilika.
