Waufukweni
JF-Expert Member
- May 16, 2024
- 5,383
- 18,776
Mwenyekiti wa Chama cha Demokrasia na Maendeleo (Chadema), Tundu Lissu amesema siku ya uchaguzi mkuu utakaofanyika baadaye mwaka huu, chama hicho kitaitisha maandamano ya kuuzuia uchaguzi usifanyike.
Lissu amesema hayo leo, Jumatatu Aprili 7, 2025 wakati akihutubia mkutano wa hadhara Wilaya ya Masasi mkoani Mtwara katika ziara ya kutoa elimu kuhusu 'No Reforms, No Election.'
Amesema iwapo Serikali haitafanya mabadiliko ya sheria na kanuni za uchaguzi, chama hicho kitawahamasisha wananchi kuandamana kuuzuia uchaguzi usifanyike.
"Nani anayataka kuendelea na mateso ya CCM mpaka Kiama? Ndio maana sisi CHADEMA tunasema, kama hawataki mabadiliko kwenye mfumo wa uchaguzi, tuzuie uchaguzi usifanyike," amesema Lissu, huku akiwataka wananchi wa Masasi na Watanzania kwa ujumla kuunga mkono msimamo huo.
"Uchaguzi hautafanyika kwa sababu Lissu amesema tu! Hautafanyika kama wananchi wa Masasi na Watanzania wote mkikubaliana na msimamo wetu na kusema: uchaguzi huu hautafanyika, Hatutaenda kupiga kura, hatutaenda kujiandikisha, na siku ya kupiga kura tutaandamana. Watatufunga wote? Kuna sheria ya Tanzania inayosema lazima tushiriki kwenye chaguzi za kijinga?" amehoji.