Wakuu mwenye full story ya USSR kwa kiswahili basi anitumie nipate mwanga kidogo ya huu uzi..?
Maana umekaa kimkakati sana kama hujui historia vizuri juu ya hii Miamba.
Sent from my SM-A125F using
JamiiForums mobile app
USSR ni umoja ulounda nchi za kijamaa yaani Union of Soviet Social Republics au umoja wa kisovieti Soviet republics.
Nchi zilounda umoja huu zilikuwa ni pamoja na Poland, Lithuania, Estonia, Latvia, Georgia, Ukraine, Belarus, Uzbekistan, Kazakhstan, Armenia na Moldova. Pia kuna nchi zingine ndogondogo kama vile Tajikistan, Krygzstan, Turkmenistan na Uzbekistan nazo ziliunda USSR.
Sehemu hii iliitwa Eurasia na ilitawala eneo hili kutokea Moscow huku majimbo makuu kama Kyiv, Leningrad na Minsks yakiwa ni majiji makuu.
Kiongozi wa kwanza wa USSR aliitwa Vladmir Lenin ambae mwaka 1917 akiwa na wenzake waloitwa Bolshevicks aliongoza mapinduzi ya kuiondoa serikali ya himaya ya Russia yaani Russian Empire na kuunda serikali ya kijamaa ya USSR ambayo ilifuata misingi ya kijamaa na hiyo ikiwa ni mwaka 1922 baada ya mapigano ya ndani kwa ndani kati ya wafuasi wa Lenin na wafuasi walokuwa wakiwapinga hawa Bolshevicks.
Lenin alifariki mwaka 1924 na akaja bwana Joseph Stalin ambae sera zake zilikuwa ni uchumi imara ambapo viwanda vingi vilijengwa na mashamba ya kulima kwa ujumla yalianzishwa na ilikuwa ni program ya miaka 5.
Hii ya kuanzisha mashamba ya ujumla iliitwa "collectivization" ni mwamba serikali ilianzisha mashamba makubwa ambayo watu walikwenda kulima kwa kutumia njia za kizamani ambapo akiba ya chakula ilitosheleza kulisha wakazi wa miji mikubwa, uwepo wa malighafi ya kutosha na kisha kukawepo na mazao mengi ya kusafirisha nje ya USSR.
Stalin alikuwa katili na hakutaka upinzani na kama alihisi kuwepo upinzani watu walifungwa au kupotezwa iwe wanajeshi, wanachama wenzake wa chama cha kikomunisti au wananchi wa kawaida.
Mwaka 1939 Stalin aliungana na Wanazi (mkataba ulotwa Nazi- Soviet Pact) kwa malengo ya kugawana Poland na kutogombania sehemu hiyo.
Lakini wakati wa vita ya kuu ya pili ya Dunia, Stalin akavamia sehemu ulokuwa ndo nchi za Estonia, Latvia, Lithuania na akaichukua mazima sehemu yote ya Poland. Mwaka 1941 zikapigwa vikali kati ya majeshi ya Lenin na wanazi na Ujerumani ikatekwa (upande wa mashariki ulokujaitwa Ujerumani Mashariki) na baadae mwaka 1945 Lenin akatangazwa mshindi.
Baada ya Lenin kuwa bingwa upande wa mashariki akiwa amechukua sehemu kubwa ilokujaitwa Estern Bloc baadae mwaka 1947 vita baridi au Cold War ikaanza na upande wa magharibi ikaitwa Western bloc ambayo ilikuja na wazo la kuanzisha umoja wa kujilinda dhidi ya Lenin na NATO ikazaliwa mwaka 1949.
Lenin alifariki mwaka 1953 na akaja bwana Nikita Khrushkev ambae alikuta mipango ya kuondoa sera za Lenin ila akapalilia na kihakikisha USSR inapaa kiuchumi na ndo ikaanzishwa satelite ya USSR ya kwanza pamoja na ndege ya kwenda angani au Spaceflight ambayo baadae mwaka 1979 ilitua kwenye sayari ya Venus.
Muda wote huo USSR na Marekani walikuwa wakizungumza na kushirikiana katika programs kama hizo za mwezini na kadhalika lakini uhusiano ukaingia shubiri mwaka 1980 pale USSR walipopeleka majeshi yake nchini Afghanstan na Marekani wao wakawa wanapeleka silaha kwa Mujaheeden ( ni kama leo wanawapelekea silaha wapiganaji walioko Ukraine).
Mwaka 1989 dunia ilianza kushuhudia kuvunjika kwa sehemu kubwa ya USSR ambapo nchi nyingi zilounda umoja huo zilianza kufanya chaguzi mbalimbali ambazo zilileta mabadiliko ya serikali na viongozi wapya.
Poland na Hungary ziliendesha chaguzi zao kistahamilivu lakini nchini Romania uchaguzi ulipelekea kutokea machafuko ambayo yalipelekea kuuawa kwa kiongozi wa nchi hiyo Nicolae Ceausescu na mke wake Elena. Baadae mwaka huohuo ukuta wa berlin Berlin Wall ukabomolewa na kudondoka na wajerumani wa Mashariki wakakutana uso kwa uso na Wajerumani wa Magharibi na vita baridi ikaishia hapo.
Mwaka 1990 ndo uloanzisha mgogoro wa leo ambapo kiongozi wa USSR Mikhail Gorbachev alidanganywa na waziri wa nchi wa Marekani James Baker kwamba NATO isingejipanua upande wa mashariki. Ni Gorbachev ambae kwa siri alikubaliana na raisi wa Marekani wa wakti huo George Bush (mkubwa) kwamba ilokuwa Ujerumani Mashariki iruhusiwe kujiunga na nchi za Magharibi lakini akasahau ( au kwa makusudi) alikuwa alifahamu kuwa muungano wa Ujerumani magharibi (ilokuwa mwanachama wa NATO) ungeiingiza moja kwa moja Ujerumani mashariki ndani ya NATO likiwa taifa moja la Ujerumani.
Boris Yeltsin nae ni kiongozi alieshiriki kinagaubaga kuivunja USSR, ambapo mwaka 1991 alizungumza na viongozi wa nchi zote ndogondogo zilosalia zikiongozwa na Belarus na kufikia makubaliano yaloitwa Alma-Ata Protocol ambapo mataifa yapatayo 11 yaliafiki kujitenga na kuwa huru.
Mataifa hayo huru baada ya ilokuwa USSR yalikuwa ni pamoja na Belarus, Russia, Ukraine, Moldova, Kazakhstan, Azerbaijan, Armenia, Tajikistan, Krygzstan, Turkmenistan na Uzbekistan. Georgia haikushiriki mchakato huo.
Vitendo vya Gorbachev na Yeltsin viliwaudhi sana mazee wa KGB akiwemo Vladmir Putin ambae wakti wote huo alikuwa akifanyia kazi Ujerumani Mashariki akichunguza wageni wa kutoka nchi za magharibi.
Nafikiri ntakuwa nimekupa mwanga kidogo.
