Vijana acheni ujanja ujanja, mbona hamuelezi hizo biashara walikuwa wanazifanyaje ?
Kuna binti mmoja, huko juu alidai ya kuwa mama Khadija alikuwa anafanya biashara na mtume, basi kwa ujinga wake akajua ya kuwa alikuwa anachangamana na kuruka mitaa, wakati alipoolewa akakaa nyumbani na mtume akawa anatumwa na mkewe juu ya biashara hizo. Sasa kwa kutusaidia tunaomba utuambie biashara za huyo mamma na binti yake,walikuwa wanaifanyaje ?
Wanawake wanafanya biashara na kumiliki mali, ila si kwa namna ya wanawake hawa wanavyofanha, na hili tuliwaambia tangu mwanzoni mwa hii mada.
Kwenye Quran Allah anaamrisha wanawake wa Mtume swallallahu alayhi wasallam na wanawake wa ulimwengu mzima wakae nyumbani kwao wasitoke majumbani kwao isipokuwa kwa haja au kwa dharura ambayo kwamba ni dharura ya msingi itakayomfanya aweze kutoka nyumbani.
Swali la msingi: Yafaa mwanamke kufanya kazi?
Jawabu ni naam! Mwanamke anafaa kufanya kazi kwa masharti ambayo Maulamaa ambayo wameyaweka. Ambayo ni
•Kujistiri kwa istara ya heshima.
•Asijitie manukato ambayo kwa hakika ni yenye kumshawishi mwanaume.
• Asichanganyikane na mwanaume. Kuchanganyika hapa si kwamba asikae naye karibu bali ni kuchanganyika kwa kichoheo cha kuyaleta matamanio.
Na mengineyo.
Ikiwa mwanamke akiyaweza hayo mwache akafanye kazi.
Biashara alizokuwa akifanya mama yetu Bi. Khadija R.A zinafahamika, aliwekeza kwenye biashara na zilikuwa ni biashara za masafa marefu kutoka Makka kwenda Syria n.k. Kwa maumbile ya mwanamke na kwa mazingira yamwanamke biashara ya masafa marefu kwao ni changamoto. Ndiyo maana tangu awali kulikuwa na mtu akisimamia misafara yake ikiwa kwenye safari hizo za masafa marefu hata kabla ya Mtume s.a.w.
Sasa Mtume ndiye mumewe na biashara zake ni za masafa marefu na mama yetu Bi. Khadija R.A amewekeza ni mtaji wake hiyo biashara. Unafikiri ni nani atakayekuwa msimamizi wa hizo biashara kama siyo mumewe Mtume swallallahu alayhi wasallam?
Si busara kulazimisha msimamo (rai yako) wako na kuufanya uwe sahihi zaidi na kuiweka batwil, uharamu kuwa haifai kabisa mwanamke kufanya kazi kisa alishasema Sheikh Al Fawzaan, Sheikh al Uthaymiin basi yatosha! Ya hao haki na ya wengine ni baatwil.
Binafsi yako umeamua kufuata fatwa hiyo na kwako imekinai hakuna mushkeri ifuate. Wenzako wamefuata fatwa ya Ulamaa mwengine na kwao imekinai hakuna mushker waache waifuate. Mushkeri unakuja kulazimisha ya kwako ni sahihi ya wengine ni ujanja.
Na hii hali unayo! Si ya mara 1 au mara 2. Kwa kadri ulivyosoma wewe basi wewe upo sahihi zaidi na wenzako hawako sahihi zaidi. Hiko si kipimo cha elimu! Hicho ni kipimo cha kutokuwa na nidhamu ya kielimu.