Wananchi wa nchi hii wamekuwa wakitoa malalamiko yao ya muda mrefu sana, kuwa Jeshi la Polisi linawabambikia kesi wananchi wasio na hatia, hususani wale wanaowaona wanà mlengo wa kisiasa wa vyama vya upinzani.
Kauli hiyo imekuwa ikipingwa vikali na Jeshi la Polisi, likidai kuwa Jeshi la Polisi linafanya kazi yake kwa weledi na kila mshukiwa wa kesi anapaswa ajibu mashtaka yake kwenye vyombo vya sheria.
Hata hivyo leo hii Rais Samia Suluhu Hassan amekitengua kitendawili hicho kwa kueleza ukweli kuwa Jeshi hilo linawabambikia kesi wananchi wasio na hatia na hivyo kuleta msongamano mkubwa usio na ulazima huko magerezani.
Kwa kauli hiyo iliyotoka mdomoni kwa Rais wa Jamhuri wa Muungano wa Tanzania, ni kwanini IGP Sirro hataki kujiuzulu??
Kama IGP Sirro atagoma kujiuzulu, basi tunamuomba Rais Samia Suluhu, amfute kazi Mkuu huyo wa Jeshi la Polisi, kwa kuwa amekuwa akidanganya kwa kusema kuwa Jeshi lake linafanya kazi kwa weledi, wakati katika hali halisi, linafanya uonevu wa hali ya juu kwa wananchi wasiokuwa na hatia.
Tukumbuke pia wajibu namba moja wa Jeshi la Polisi nchini ni kuwalinda raia na mali zao.