Mwenyekiti wa CCM Taifa na Rais wa Tanzania Dkt. Samia Suluhu Hassan amewataka wanaochuja Wagombea wa uchaguzi watende haki na wapime kwa umakini na kuangalia wale wanaofaa ili kuepuka kupitisha Wagombea ambao wanakosa sifa na kuendana na yale ambayo CCM inayataka.
Akiongea wakati wa kufunga Mkutano Mkuu leo May 30,2025, Rais Samia amesema “Niwaombe au sijui niagize vikao vinavyokwenda kuchuja Wagombea wakatende haki, wakatende haki, anayefaa aambiwe anafaa, asiyefaa tuseme huyu ana kasoro mbili tatu hatufai kwa huko mbele tunakokwenda, tukitoa mwanya Ndugu zangu, tukipitisha wanaotafuta tu na Mie niwemo ndio tunapata wale wanaokwenda huko, Chama kinakuwa Gwajimanize”
“Kwahiyo kwa vyovyote tusigwajimanize Chama chetu Magwajima tuyaache nje, hamna kuoneana aibu wala aya”
“Unajua kule Zanzibar kuna Mtu aliimba mcheza ngoma sio yake lazima ataharibu, akasema hawi sawa na wenzake anakuwa Majuzubu, Majuzubu ni Mtu ambaye hazimo hazimo hivi, kwahiyo ukicheza ngoma sio yako utaharibu na utajulikana lazima utasema Mimi sie jaman ndio haya yanayotoke, kwahiyo twendeni tukachuje kwa ustadi mkubwa”
#MillardAyoUPDATES