TUNDU LISSU ANAMHOJI SHAIDI WAKE AMAN GOLUGWA MAHAKAMANI
SEHEMU YA 5.
Lissu: Waeleze Waheshimiwa Majaji, kanuni za kuendesha huo uchaguzi wa Serikali za Mitaa na Vijiji zilitungwa na nani?
Amani Sam Golugwa: Kanuni za kuendesha uchaguzi wa Serikali za Mitaa zilitungwa na Waziri.
Lissu: Waziri gani?
Amani Sam Golugwa: Waziri wa TAMISEMI.
Lissu: Anaitwa nani?
Amani Sam Golugwa: Mchengerwa; mkwe wa Rais.
Lissu: Mohammed Mchengerwa.
Nassoro Katuga: Mheshimiwa Jaji, shahidi amesema Mohammed, kasema Mchengerwa.
Lissu: Waheshimiwa Majaji, hilo siyo la kubishana kwa sababu mawaziri wanakuwa gazetted, siyo siri.
Jaji Ndunguru: Nafikiri shahidi ajielekeze katika kujibu swali analoulizwa.
Tukiandika “mkwe” ukaletewa Gazette la Serikali utuonyeshe Waziri anayeitwa Mkwe, utaonyesha?
Tujielekeze kujibu maswali.
Lissu: Asante. Haya, waeleze Waheshimiwa Majaji, wasimamizi wa huo uchaguzi katika mamlaka za Serikali kama majiji, manispaa, wilaya na miji walikuwa akina nani?
Amani Sam Golugwa: Walikuwa Wakurugenzi wa Majiji, Manispaa, Wilaya na Miji.
Lissu: Wasimamizi wa uchaguzi katika ngazi za Mitaa na Vijiji walikuwa akina nani?
Amani Sam Golugwa: Wasimamizi katika hizo ngazi walikuwa ni Watendaji wa Mitaa na Vijiji.
Lissu: Unasema Wakurugenzi ndiyo walisimamia katika hizo ngazi za halmashauri na majiji. Waeleze Waheshimiwa Majaji, hao Wakurugenzi ni wateule wa nani?
Amani Sam Golugwa: Hao Wakurugenzi ni wateule wa Rais, kwa maana wanateuliwa na Rais wa Jamhuri ya Muungano wa Tanzania.
Lissu: Waeleze Waheshimiwa Majaji, huyo Waziri aliyetunga kanuni ni mteule wa nani?
Amani Sam Golugwa: Waheshimiwa Majaji, Waziri aliyetunga kanuni hizi ni mteule wa Rais wa Jamhuri ya Muungano wa Tanzania.
Lissu: Waeleze Waheshimiwa Majaji, na hiyo Wizara ya TAMISEMI ipo chini ya nani?
Amani Sam Golugwa: Waheshimiwa Majaji, wajibu, hiyo Wizara ya TAMISEMI ipo chini ya Rais wa Jamhuri ya Muungano wa Tanzania.
Lissu: Kwenye ushahidi wako ulisema ulipeleka taarifa ya huo uchaguzi wa Serikali za Mitaa kwa Katibu Mkuu na Makatibu wengine 09 wa kanda tofauti, hata kama ujumbe kwa njia tofauti tofauti.
Waeleze Waheshimiwa Majaji, huo unaouita ushenzi ulioona katika Serikali za Mitaa, waeleze Waheshimiwa Majaji kama vilevile umekuwepo katika uchaguzi Mkuu kwa ufahamu wako.
Amani Sam Golugwa: Waheshimiwa Majaji, mambo ya ovyo niliyoyaona katika uchaguzi wa Serikali za Mitaa niliyaona pia katika uchaguzi Mkuu.
Lissu: Waeleze Waheshimiwa Majaji kama uliona mambo hayo ya ovyo katika uchaguzi Mkuu mmoja au katika chaguzi Kuu zote.
Amani Sam Golugwa: Kwa kipindi ambacho nimekuwa kiongozi wa Chama, nimeyaona mambo hayo kwenye uchaguzi wa mwaka 2020, na niliyaona kwenye uchaguzi wa mwaka 2015, na niliyaona, nikashangaa na nikastaajabu mpaka nikaogopa kwenye matukio ya 2025.
Lissu: Kwenye tatizo la kwanza la wagombea kunyimwa fomu au kushindwa kurudisha fomu kwenye uchaguzi Mkuu, elezea kama umeliona katika uchaguzi Mkuu.
Amani Sam Golugwa: Nimeliona na nimelishuhudia swala la kunyimwa fomu katika uchaguzi Mkuu.
Au wanafunga milango, wanaondoka, wanaiacha ofisi.
Hivyo nimeshuhudia katika uchaguzi Mkuu wagombea kunyimwa fomu.
Lissu: Waeleze Waheshimiwa Majaji, juu ya kuwepo kwa tatizo la wagombea kurudisha fomu.
Amani Sam Golugwa: Nimeliona na kushuhudia tatizo la kurudisha fomu.
Wagombea wanashindwa kurudisha fomu.
Lissu: Wagombea gani?
Amani Sam Golugwa: Wagombea wa Udiwani, Ubunge na Urais.
Wahusika kufunga ofisi ili wasitoe fomu, au anakuwepo lakini anakataa kupokea fomu.
Mbaya zaidi...
Lissu: Wewe unaiona hiyo timu hapo? We jiongeze tu.
MAHAKAMA KICHEKO.
Lissu: Waeleze Waheshimiwa Majaji juu ya kuwepo kwa tatizo la kuenguliwa baada ya wagombea kuwa wamerudisha fomu.
Amani Sam Golugwa: Waheshimiwa Majaji, kwa ufahamu wangu lipo tatizo la wagombea wanapokuwa wamewasilisha fomu kuenguliwa kwa sababu zingine zisizo na maana, nje ya zile sifa mahususi zilizoainishwa katika kanuni na sheria ya uchaguzi.
WEKA EMOJI KAMA UNASOMA
SHARE ZAIDI UJUMBE UFIKE MBALI